මැතිවරණය කල්දාන්නේ නැහැ
දැනට පවතින වර්ෂාධික කාලගුණික තත්ත්වය හේතුවෙන් ජනාධිපතිවරණය පැවැත්වෙන දිනයෙහි වෙනසක් කිරීමට තීරණය කර නොමැති බව මැතිවරණ කොමසාරිස් මහින්ද දේශප්‍රිය මහතා පවසයි.
![\"\"](\"/user_images/image/Presidantial%20Election%202015/Mahinda-Deshapriya.jpg\")
දැනට පවතින වර්ෂාධික කාලගුණික තත්ත්වය හේතුවෙන් ජනාධිපතිවරණය පැවැත්වෙන දිනයෙහි වෙනසක් කිරීමට තීරණය කර නොමැති බව මැතිවරණ කොමසාරිස් මහින්ද දේශප්‍රිය මහතා පවසයි.
මැතිවරණ කොමසාරිස්තුමා පෙන්වාදෙන්නේ ජනපතිවරණය සඳහා තරඟ වැද සිටින කිසිදු අපේක්ෂකයෙකු, අපේක්ෂකයෙකුගේ ඡන්ද නියෝජිතයෙකු හෝ නීතිඥයෙකු හෝ එසේ ජනාධිපතිවරණය කල්දමන ලෙසට ඉල්ලීමක් සිදුකර නොමැති බවයි.
කෙසේ වෙතත් පසුගියදා අපේක්ෂකයින් නියෝජනය කරන දේශපාලන පක්ෂ ලේකම්වරුන් මැතිවරණ නිරීක්ෂන කමිටුවේ නිත්‍ය නියෝජිතයින් හා නිරීක්ෂණ සංවිධානවල නියෝජිතයින්ගේ සහභාගීත්වයෙන් පැවති රැස්වීමේදී දැනට පවතින කාලගුණික තත්ත්වය මත තාවකාලික හැඳුනුම්පත් නිකුත් කිරීමේ කාර්යය හා නිල ඡන්ද දැන්වීම් පත්‍රිකා බෙදාදීමට අමතර කාලයක් ලබාදීම සම්බන්ධයෙන් අවධානය යොමුකල බව මැතිවරණ කොමසාරිස් කාර්යාල ආරංචිමාර්ග පෙන්වාදෙයි.
