පුංචි ඡන්දයේ ප්‍රමාදයට එරෙහිව පැෆ්රල් අධිකරණයට
පළාත් පාලන මැතිවරණය ප්‍රමාදවීමට අදාලව නීතිමය පියවර ගැනීමට පැෆ්රල් සංවිධානය ඊයේ (27) පියවර ගත්තේය.
![\"\"](\"/user_images/image/LEGAL/Supreme-Court.jpg\")
පළාත් පාලන මැතිවරණය ප්‍රමාදවීමට අදාලව නීතිමය පියවර ගැනීමට පැෆ්රල් සංවිධානය ඊයේ (27) පියවර ගත්තේය.
ඒ අනුව ශ්‍රේෂ්ඨාධිකරණයට පෙත්සමක් ගොනු කරමින් පැෆ්රල් විධායක අධ්‍යක්ෂ රෝහණ හෙට්ටිආරච්චි මහතා ඉල්ලා ඇත්තේ දැනට සීමානිර්ණ ගැටලු නොමැති පළාත් පාලන ආයතනයන්හි සභික ප්‍රමාණය හා කොට්ඨාශ ප්‍රමාණය ගැසට්කොට සීමානිර්ණ ගැටලු විසදා අවසන් කරන දිනය සම්බන්ධයෙන් නිශ්චිතව අධිකරණය ඉදිරියේ පළාත් පාලන අමාත්‍යාංශය විසින් දැනුම්දිය යුතුව ඇති බවයි.
එම පෙත්සමෙන් වැඩිදුරටත් පෙන්වාදී ඇත්තේ පළාත් පාලන මැතිවරණය පැවැත්වීමට අපොහොසත්වීම තුළ රටවැසියන්ගේ ඡන්ද අයිතිය මෙන්ම මූලික අයිතිවාසිකම් උල්ලංඝනයවීමක් බවයි.
එමෙන්ම දිවයිනේ පළාත් පාලන ආයතන 335 ක කාලසීමාව අවසන්වී එම ආයතනවලින් වැඩි සංඛ්‍යාව මැතිවරණය 2015 වසරේදී පැවැත්විය යුතුව තිබූ බවත් එහෙත් පළාත් පාලන අමාත්‍යවරයා එම මැතිවරණ පැවැත්වීම සම්බන්ධයෙන් පියවර නොගත් බවත් එම පෙත්සමෙන් වැඩිදුරටත් දක්වා ඇත.
පළාත් පාලන හා පළාත් සභා අමාත්‍යවරයා, අමාත්‍යාංශ ලේකම්වරයා, මැතිවරණ කොමිස‍මේ සභාපතිවරයා, සීමානිර්ණ කමිටුවේ සභාපතිවරයා හා නීතිපතිවරයා මෙම පෙත්සම මගින් වග උත්තරකරුවන් වශයෙන් නම්කොට ඇත.
